ქართველმა მოჭადრაკეებმა ევროპის სენიორთა ჩემპიონატზე წარმატებით იასპარეზეს. იტალიაში გამართულ ევროპის სენიორთა ჩემპიონატში მონაწილეობა მიიღეს ზურაბ სტურუამ და ნონა გაფრინდაშვილმა.
ზურაბ სტურუამ 50 წელზე უფროს სპორტსმენთა ტურნირზე ოქროს მედალი მოიპოვა, ნონა გაფრინდაშვილმა კი 65 წელზე უფროს მოჭადრაკეთა შორის მეორე ადგილი დაიკავა და ვერცხლის მედალს დაეუფლა.
აღსანიშნავია, რომ ზურაბ სტურუამ ევროპის ჩემპიონის ტიტული მეოთხედ მოიპოვა, ნონა გაფრინდაშვილი კი 65+ ასაკობრივ კატეგორიაში მსოფლიოს მოქმედი ჩემპიონია.
ინფორმაციას ამის შესახებ კულტურის, სპორტისა და ახალგაზრდობის სამინისტრო ავრცელებს.
საინფორმაციო სააგენტო “ექსკლუზივ ნიუსი” ქართველ სპორტსმენებს გამარჯვებას ულოცავს.
კომენტარები