რუსული კომპანია „იანდექს ტაქსი“, უახლოეს მომავალში, აზერბაიჯანში წარმომადგენლობას გახსნის. ამის შესახებ სააგენტო „ტრენდი“ იუწყება.
თავდაპირველად „იანდექსის“ ტაქსები ბაქოს ქუჩებში გამოჩნდება. კომპანიის ინფორმაციით, „იანდექსმა“ აზერბაიჯანში შესაბამისი სერტიფიკატი უკვე მიიღო და ამაჟამად სანავიგაციო სისტემის საკითხებს აგვარებს.
„იანდექს ტაქსი“ ამჟამად რუსეთში, უკრაინაში, ყაზახეთში, საქართველოსა და სომხეთში ფუნქციონირებს. მისი მობილური აპლიკაცია იმ ქვეყნის ენაზეა დაწერილი, რომელშიც კომპანია საქმიანობს. „იანდექს ტაქსის“ ინფორმაციით, აზერბაიჯანშიც იგივე მოხდება.
კომენტარები