ერაყის არმიამ აღმოსავლეთ მოსული ექსტრემისტული დაჯგუფების წევრებისგან მთლიანად გაწმინდა. ამის შესახებ ინფორმაციას ქვეყნის პრემიერ-მინისტრი ჰაიდერ აბადი ავრცელებს.
პრემიერს არ დაუზუსტებია, თუ რა პერიოდში შეძლებენ ქალაქის დასავლეთ ნაწილის აღებას შეიარაღებული ძალები. მოსულიზე კონტროლი „ისლამურმა სახელმწიფომ“ 2014 წლის ივნისში მოიპოვა და ჯიჰადისტების ერთ-ერთ სტრატეგიულ ქალაქად იქცა. მის გასათავისუფლებლად სამხედრო ოპერაცია გასული წლის 17 ოქტომბერს დაიწყო. გათავისუფლებულ ტერიტორიებზე გაერო-ს ჰუმანიტარულ მისიებს დახმარება და პირველად მოხმარების საგნები ჩააქვთ.
კომენტარები