“სტატუსის მინიჭების საქმეში ოპოზიციის დამსახურება მინიმალურია. მათი მცირე ნაწილი რეკომენდაციების შესასრულებლად მართლაც თანამშრომლობდა, ხოლო დიდი ნაწილი პირიქით, ბოიკოტს უცხადებდა და დივერსიას უწყობდა საკუთარ ქვეყანას”, – ამის შესახებ საქართველოს პარლამენტის საგარეო ურთიერთობათა კომიტეტის თავმჯდომარემ ნიკოლოზ სამხარაძემ განაცხადა.
„საქართველოსა და ევროკავშირს შორის ურთიერთობაში ახალი ეტაპი იწყება. ამით შეუქცევადად იწყება ის პროცესი, რომელიც აუცილებლად დაგვირგვინდება საქართველოს ევროკავშირში წევრობით. რა თქმა უნდა, პირველ რიგში ეს არის დამსახურება ქართველი ხალხის, რომელმაც აირჩია ეს ხელისუფლება და ამ ხელისუფლებამ თავისი ნაბიჯებით მოიტანა სწორედ ის, რომ დღეს საქართველოს აქვს უვიზო მიმოსვლა, ასოცირების შეთანხმება და ახლა კანდიდატის სტატუსი.
რაც შეეხება ოპოზიციას, ოპოზიციის დამსახურება აქ არის მინიმალური. მათი მცირე ნაწილი ამ რეკომენდაციების შესასრულებლად მართლაც თანამშრომლობდა, ხოლო დიდი ნაწილი პირიქით, ბოიკოტს უცხადებდა და დივერსიას უწყობდა საკუთარ ქვეყანას“, – განაცხადა სამხარაძემ.
14 დეკემბერს ევროპული საბჭოს პრეზიდენტმა, შარლ მიშელმა განაცხადა, რომ ევროპულმა საბჭომ საქართველოს კანდიდატის სტატუსი მიანიჭა.