ყველა გადაწყვეტილების უკან დგას საქართველოს მთავრობა, საპარლამენტო უმრავლესობა და საქართველოს მოსახლეობა, – ამის შესახებ საქართველოს პარლამენტის თავმჯდომარე, შალვა პაპუაშვილმა განაცხადა.
პაპუაშვილს კითხვა დაუსვეს, არის თუ არა შესაძლებელი, ბიძინა ივანიშვილი საარჩევნოდ პოლიტიკაში დაბრუნდეს და რამდენად სჭირდება „ქართულ ოცნებას“ მისი დახმარება.
„ბოლო პერიოდი აჩვენებს, რამდენად სწორად, გააზრებულად, დაფიქრებულად მოქმედებს საქართველოს ხელისუფლება. საუბარი როდესაც არის, თითქოს ბიძინა ივანიშვილი პოლიტიკური გადაწყვეტილებების მიღებაში ერევა და მისი კარნახით ხდება რაღაც გადაწყვეტილებების მიღება, დაასახელონ, რომელია გადაწყვეტილება, რომელსაც საქართველოს ხელისუფლება არ მიიღებდა ისე, როგორც მიიღო. ერთი მაგალითი თქვან, რომ გადაწყვეტილებას ხელისუფლება არ მიიღებდა, რომ არა კარნახი. ყველა გადაწყვეტილების უკან დგას საქართველოს მთავრობა, საპარლამენტო უმრავლესობა, საქართველოს მოსახლეობა და მანდატი, რომელიც ჩვენს ხელისუფლებას აქვს. ამაზე მეტყველებს, როგორი მხარდაჭერა არის ხელისუფლების მიმართ, მოსახლეობის განწყობა“, – განაცხადა შალვა პაპუაშვილმა