ჯანდაცვის მსოფლიო ორგანიზაციაში აცხადებენ, რომ COVID-19 ადაპტირებულია ადამიანებზე, მაგრამ მისი მუტაციები გრძელდება.
როგორც ორგანიზაციის წარმომადგენელმა, მელიტა ვუინოვიჩმა თქვა, ვირუსი 4 წლის წინ გამოვლინდა და ცირკულირებას აგრძელებს.
“და აშკარაა, რომ ვირუსი ადაპტირებულია ადამიანის პოპულაციაზე, აგრძელებს არსებობას. ზამთრის დადგომასთან ერთად, ევროპასა და ცენტრალურ აზიაში COVID-19-თან ერთად, სხვა რესპირატორული პათოგენებიც ცირკულირებენ. კორონავირუსი ჯერ კიდევ ფართოდ არის გავრცელებული, რაც იწვევს მძიმე ავადმყოფობას და სიკვდილს“, – თქვა მან.
ვუინოვიჩმა აღნიშნა, რომ ბევრ ქვეყანაში პაციენტების ჰოსპიტალიზაციის მაჩვენებელი იზრდება – მათ შორის, იტალიაში, ფინეთსა და სლოვაკეთში.
მისი თქმით, ვაქცინაცია და პირბადის ტარება რჩება კოვიდსა და გრიპთან ბრძოლის მთავარ საშუალებად.