საქართველოსა და გერმანიის მთავრობებს შორის დადებული შეთანხმება მნიშვნელოვანია, რადგან აადვილებს დასაქმებას გერმანიაში, ეს მნიშვნელოვანია იმ მხრივ, რომ არალეგალური მიგრაცია არ ხდებოდეს, – ამის შესახებ საქართველოს პარლამენტის თავმჯდომარე შალვა პაპუაშვილმა ჟურნალისტებს განუცხადა.
მისი თქმით, მნიშვნელოვანია, რომ საქართველო გერმანიის მიერ აღიარებულია როგორც სანდო ქვეყანა.
„რაც შეეხება გერმანიასთან დადებულ შეთანხმებას, ეს მნიშვნელოვანია, რადგან აადვილებს დასაქმებას გერმანიაში. მეორე მხრივ, რა თქმა უნდა, ეს მნიშვნელოვანია იმ მხრივ, რომ არალეგალური მიგრაცია არ ხდებოდეს. ამიტომ, ამ მხრივ ჩვენ სრულად ვთანამშრომლობთ გერმანიასთან და მნიშვნელოვანია, რომ საქართველო აღიარებულია როგორც სანდო ქვეყანა. ეს იმას ნიშნავს, რომ გერმანია საბოლოო ჯამში, აღიარებს, რომ აქედან პოლიტიკური მოტივით დევნილი არავინ არ არის და სხვა ასეთი მოტივებით დევნილები არ არიან. აქედან გამომდინარე, ეს არის საქართველოს დემოკრატიული ინსტიტუტების სიძლიერის კიდევ ერთი აღიარება, მეორე – ეს არის ლეგალური დასაქმების შესაძლებლობების გაფართოების შესაძლებლობა და რა თქმა უნდა, ამ საკითხთან დაკავშირებით ვთანამშრომლობთ გერმანიასთან“, – განაცხადა პაპუაშვილმა.
საქართველოსა და გერმანიის მთავრობებს შორის მიგრაციისა და მობილობის შესახებ შეთანხმება გაფორმდა.