საქართველოს კონკურენციის ეროვნული სააგენტოს თავმჯდომარე ირაკლი ლექვინაძე „ქრონიკასთან“ აცხადებს, რომ იმ შემთხვევაში, თუ ფარმაცევტული კომპანიების მხრიდან კანონის დარღვევის ფაქტები გამოვლინდება, დამრღვევი კომპანიის მიმართ საჯარიმო სანქციებია გათვალისწინებული.
ლექვინაძე ჯანდაცვის სამინისტროს განცხადებას გამოეხმაურა, რომელმაც რეაგირებისთვის კონკურენციის სააგენტოს მიმათა.
„თუ გამოიკვეთა, რომ კონკრეტული დასახელების მედიკამენტზე, ან შემცვლელების ბაზარზე იკვეთება რომელიმე მცირე, თუ მსხვილი კომპანიის დომინანტური მდგომარეობა, იგულისხმება იმპორტის შემთხვევიდან საცალო ქსელში პროცესამდე და გამოიკვეთებიან დამრღვევი კომპანიები, საქართველოს კონკურენციის კანონმდებლობის შესაბამისად, დამრღვევი კომპანიის მიმართ გათვალისწინებულია საჯარიმო სანქციები. ჯარიმა განისაზღვრება ამ კომპანიის წინა წლის ფინანსური ბრუნვის 5%-მდე მოცულობით“, – აღნიშნა ლექვინაძემ.
ჯანდაცვის სამინისტრო წამლების ფასების ხელოვნურ ზრდაზე საუბრობს. იგულისხმება მედიკამენტები, რომლებზეც რეფერენტული ფასი ჯერ არ მოქმედებს. სამინისტროში აცხადებენ, რომ ჩნდება ეჭვი ფარმაცევტულ კომპანიებს შორის არაკეთილსინდისიერ შეთანხმებასთან დაკავშირებით. უწყება კონკურენციის სააგენტოს მიმართავს.