ფრანგ კოლეგასთან გამართულ ერთობლივ პრესკონფერენციაზე დიდი ბრიტანეთის საგარეო საქმეთა მინისტრმა, დევიდ კემერონმა განაცხადა, რომ დიდი ბრიტანეთი და საფრანგეთი უკრაინის მტკიცე მხარდამჭერები არიან და უკრაინის მხარდაჭერას გააგრძელებენ მანამ, სანამ საჭირო იქნება. ინფორმაციას ამის შესახებ ფრანგული გაზეთი Le Monde-ი ავრცელებს.
“ეჭვი არ მეპარება, რომ [რუსეთის პრეზიდენტი ვლადიმირ] პუტინი წააგებს ომს და მნიშვნელოვანია, რომ მან წააგოს. პირველი აქტი იყო რუსეთის განსაცვიფრებელი მარცხი დასახული მიზნების მიღწევაში. მეორე აქტი იყო უკრაინელების წინააღმდეგობა, რომლებმაც რუსებს უკან დაახევინეს. და, რა თქმა უნდა, მესამე აქტი უფრო რთულია. მეოთხე აქტი დასაწერია და ჩვენ უნდა დავრწმუნდეთ, რომ ის სწორად დაიწერება”, – აღნიშნა დევიდ კემერონმა.
კომენტარები