ამერიკის შეერთებული შტატები გაეროს უშიშროების საბჭოსთან ერთად, რეზოლუციის პროექტზე მუშაობს, რომელიც ღაზის სექტორში არსებული გადაუწყვეტელი პრობლემების მოგვარებას ითვალისწინებს.
სახელმწიფო დეპარტამენტის სპიკერის, მეთიუ მილერის ცნობით, რეზოლუციის დეტალები ჯერ კიდევ განხილვის პროცესშია, თუმცა მისი მთავარი ამოცანა, ანკლავში ჰუმანიტარული დახმარების შეტანა და იქ გაეროს მონიტორინგის მისიის შეშვება იქნება.
ამასთან ერთად, შტატების სახელმწიფო დეპარტამენტის სპიკერმა აღნიშნა, რომ ჰუმანიტარული პაუზის გახანგრძლივება შესაძლებელია, თუ „ჰამასი“ მეტი მძევლის გათავისუფლებას დათანხმდება.
„ღაზის სექტორში არსებული გადაუწყვეტელი პრობლემების შესახებ რეზოლუციის მოსამზადებლად ჩვენ კონსტრუქციულად ვთანამშრომლობთ კოლეგებთან გაეროს უშიშროების საბჭოში. შეერთებულმა შტატებმა მხარი არ დაუჭორა წინა რეზოლუციას, ჩვენი სურვილი იყო დოკუმენტში დეტალურად ყოფილიყო გაწერილი სექტორის მოსახლეობის ჰუმანიტარული მოთხოვნილებების დაკმაყოფილების საკითხი. და ეს ასპექტი ახალ რეზოლუციაში აუცილებლად უნდა იყოს გათვალისწინებული. რეზოლუციის დეტალები ძალიან მნიშვნელოვანია“, -აღნიშნა მილერმა.