სლოვაკეთში, რობერტ ფიცოს ხელისუფლების წინააღმდეგ გამართულ აქციებში ათასობით ადამიანმა მიიღო მონაწილეობა. ამის შესახებ Reuters-ი წერს.
ბრატისლავის ქუჩებში დაახლოებით 30 000 დემონსტრანტი გამოვიდა, რომლებსაც ხელში ბანერები, წარწერებით „ფიცო – წადი რუსეთში“ და „ფიცო – ბოროტება სლოვაკეთისთვის“ ეჭირათ.
მედიის ინფორმაციით, ოპოზიციის მოწოდებით, აქციები ქვეყნის 30 ქალაქში გაიმართა. დემონსტრაციები პირველ რიგში, იუსტიციის სისტემაში დაგეგმილი რეფორმების წინააღმდეგაა მიმართული, რომელიც ქვეყნის პარლამენტში ამ დღეები უნდა განიხილონ. ოპოზიცია მიიჩნევს, რომ ეს რეფორმა სასამართლო სისტემას საფრთხეს უქმნის.
კომენტარები