აშშ-მა ირანთან დაკავშირებულ 7 ობიექტზე მიიტანა იერიში. სამი მათგანი ერაყში მდებარეობს, ოთხი კი სირიაში, – ამის შესახებ აშშ-ის ეროვნული უშიშროების საბჭოს სტრატეგიული კომუნიკაციების კოორდინატორმა, ჯონ კირბიმ განაცხადა.
მისივე თქმით, ერაყის ხელისუფლებია წინასწარ იყო ინფორმირებული იერიშის შესახებ.
კირბიმ ასევე აღნიშნა, რომ იორდანიაში ამერიკელ სამხედროებზე განხორციელებულ თავდასხმაზე პასუხი ამით არ შემოიფარგლება.
28 იანვარს, იორდანიაში, სირიის საზღვართან ახლოს, შეერთებული შტატების სამხედრო ბაზაზე დრონით თავდასხმა განხორციელდა. სამი ამერიკელი ჯარისკაცი დაიღუპა, 34 კი დაშავდა.
30 იანვარს, აშშ-ის პრეზიდენტმა, ჯო ბაიდენმა განაცხადა, რომ გადაწყვეტილება მიიღო, თუ როგორ უპასუხოს აშშ-ის სამხედრო ბაზაზე თავდასხმას.ბაიდენმა აღნიშნა, რომ ირანია პასუხისმგებელი თავდასხმაში გამოყენებული იარაღის მიწოდებაზე, მაგრამ დასძინა, რომ არ სურს ფართო დაპირისპირება რეგიონში უკვე ისედაც მაღალი დაძაბულობის გამო.