კუპიანსკის მიმართულებაზე ფრონტის ყველა მონაკვეთზე მძიმე ბრძოლები მიმდინარეობს, რუსეთის ძალები მაღალი ინტენსივობის შეტევას აწარმოებენ და ახდენენ ახალი რეზერვების მობილიზებას, – ამის შესახებ უკრაინის სახმელეთო ჯარების სარდალმა, ალექსანდრ სირსკიმ ტელეგრამ-არხში დაწერა.
ალექსანდრ სირსკის თქმით, მოინახულა სამხედრო დანაყოფები, რომლებიც კუპიანსკის მიმართულებით თავდაცვას უზრუნველყოფენ.
როგორც მან აღნიშნა, ადგილზე ვითარება დაძაბული რჩება.
სირსკის ცნობით, მან მოისმინა მეთაურების ანგარიშები და ოპერატიული თათბირები გამართა, რა დროსაც განხილული იყო მოწინააღმდეგის მოქმედების სავარაუდო სცენარები დაზვერვის მონაცემების გათვალისწინებით.
კომენტარები