ევროკავშირის დროშის დაწვის გამო დაკავებული კაცი 2 ათას ლარიანი გირაოთი გამოუშვეს. ლაშა შარუხია მოსამართლემ სასამართლო დარბაზიდან გაათავისუფლა.
პრორუსული პარტიის მხარდაჭერის გათავისუფლებას მცხეთაში შეკრებილი „ალტ-ინფოელები“ ტაშითა და ოვაციებით შეხვდნენ.
გათავისუფლების შემდეგ, ლაშა შარუხიამ განაცხადა, რომ მადლიერია საქართველოს კათოლიკოს-პატრიარქის და იმ ადამიანების, ვინც ამ ხნის განმავლობაში მხარს უჭერდნენ.
„მინდა დიდი მადლობა გადავუხადო ჩემს ღმერთს, რომ არსებობს ჩემი პატრიარქი. ძალიან მიყვარს ჩემი პატრიარქი, ჩემი საქართველო. პატრიარქო, ჩემი გული ხარ, რაზეც ოქროს ასოებით წერია „იესო“ და ბრწყინავს და მარადით იბრწყინებს იესოს სახელი.
რაც შეეხება ჩემს საქართველოს, გაათავისუფლეთ ცოდვებისგან, ძალიან გთხოვთ და მადლობა „ალტ-ინფოს“. – განაცხადა ლაშა შარუხიამ.