ევროკომისია იმედოვნებს, რომ უახლოეს დღეებში ევროკავშირის წევრი სახელმწიფოები დათანხმდებიან უკრაინის სამხედრო მხარდაჭერისთვის სპეციალური ფონდის შექმნას. ინფორმაციას ამის შესახებ უკრაინული მედია ავრცელებს.
“ევროკავშირის წევრებს მოუწევთ დეტალური შემუშავება [სპეციალური ფონდის შექმნა], რასაც იმედი მაქვს დიდი დრო არ დასჭირდება. ამიტომ, ბრიუსელში ვიმედოვნებთ, რომ საბოლოოდ შეთანხმდებიან უახლოეს დღეებში და რაც შეიძლება მალე”, – აღნიშნა საგარეო პოლიტიკის საკითხებში ევროკომისიის სპიკერმა, პიტერ სტანომ.
პიტერ სტანოს თქმით, საარტილერიო ჭურვების მიწოდების საკითხი, სულ მცირე, სამჯერ განიხილეს გასულ კვირას, მათ შორის თავდაცვის მინისტრების, ევროკავშირის ლიდერებისა და ევროკავშირის საგარეო საქმეთა მინისტრების შეხვედრების დროს
კომენტარები