„პატიმარი და ოლიგარქი: ბრძოლა საქართველოს მომავლისთვის“ – ამ სათაურით სტატიას ბრიტანული გამოცემა The Economist-ი აქვეყნებს. ჟურნალისტი მკითხველს მხოლოდ იმ ინფორმაციას უყვება, რომელიც მიხეილ სააკაშვილის მხარემ მიაწოდა. გავრცელებული ინფორმაციით, ჟურნალისტი საქართველოში იყო ჩამოსული და შეხვედრები გამართა, მათ შორის ცენტრ „ემპათიას“ ხელმძღვანელ მარიამ ჯიშკარიანთან და სააკაშვილის ადვოკატებთან.
„ჩალაძეს მისი კლიენტის ყოველდღიურად ნახვის უფლება მიეცა. მან მითხრა: „უარეს შემთხვევაში თქვენ ნახავდით ადამიანს, სრულიად დაინვალიდებულს, რომელსაც გასაგებად საუბარიც არ შეეძლო. მიშამ რამდენიმე სიტყვა ამოილუღლუღა და გაჩერდა, რომ ამოესუნთქა. ის იყო ჩონჩხი, გვამი, გაძვალტყავებული. მას პირთან დახმარების გარეშე ბოთლის მიტანაც კი არ შეეძლო“. მმართველი პარტია „ქართული ოცნება“ ხელისუფლებაშია 2012 წლიდან და ადგილობრივ ორგანოებშიც დომინირებს. ბიძინა ივანიშვილს, იდუმალებით მოცულ ოლიგარქს, რომელმაც ქონება რუსეთში დააგროვა, ბევრი რუსეთის მარიონეტად თვლის“, – აღნიშნულია სტატიაში.
მმართველ გუნდში აღნიშნავენ, რომ სტატიის ავტორი არ დაინტერესებულა საპირისპირო პოზიციით და შეკვეთილი პუბლიკაციის მიზანი სააკაშვილის თემის აქტუალიზება და საქართველოს ინტერესების დაზიანებაა