ფაქტია, რომ ოპოზიცია არის არა მხოლოდ განადგურებული დღეს ჩვენს ქვეყანაში, არამედ დამსახურებულად განადგურებული, – ამის შესახებ რატი იონათამიშვილმა განაცხადა. ფრაქცია „ქართული ოცნების“ თავმჯდომარის მოადგილე მიიჩნევს, რომ ამ ვითარებაში საზოგადოებისთვის არჩევანის გაკეთება რთული არ იქნება.
„სურათი, რასაც დღეს ვხედავთ, რომ „ნაციონალური მოძრაობის“ ხელმძღვანელი პირები ცდილობენ მოატყუონ ჩვენი საზოგადოება, თითქოს ისინი არ არიან „ნაციონალური მოძრაობა“, აჩვენებს, თუ როგორ არიან ეს ადამიანები დღეს უკვე გაარაფრებულები ჩვენი საზოგადოების წინაშე.
შესაბამისად, თუ ვინმეს უნდა საკუთარი პოლიტიკური კარიერის გაგრძელება დააფუძნოს ტყუილებსა და სიცრუეს, კი ბატონო, გააკეთოს ასე. საბოლოო ჯამში, ეს სასარგებლო იქნება ჩვენი საზოგადოებისთვის, ვინაიდან ძალიან მარტივად გააკეთებს ის არჩევანს სიცრუისა და სიძულვილის საწინააღმდეგოდ“, – მიიჩნევს იონათამიშვილი.