გვარამია და მელია ამოფარებულები არიან დემოკრატიის მანტიას, მედიამანტიას. ახლა ახალგაზრდებს ამოეფარნენ. ვინ არის ახალი სახე, გვარამია არის ახალი სახე? – ამის შესახებ „ქართული ოცნების“ დეპუტატმა, უმრავლესობის წევრმა, ირაკლი ზარქუამ, ნიკა გვარამიას მიერ პარტიის შესაძლო შექმნასთან დაკავშირებით საუბრისას განაცხადა.
მისი თქმით, გვარამია წინა ხელისუფლების რეჟიმის ერთ-ერთი შემოქმედი იყო და ისრების მხოლოდ მიხეილ სააკაშვილზე გადატანა არ გამოუვა.
„რაც არ უნდა დაიმალო და ამოეფარო ამ ახალგაზრდებს, შენ გგონია დაავიწყდება საზოგადოებას ვინ იყავი და რა იყავი? ჩვეულებრივი ზონდერ-პროკურორი იყავი, იმ რეჟიმის ერთ-ერთი შემოქმედი. სააკაშვილზე გინდა მხოლოდ ისრები გადაიტანო? არა, შენც, ადეიშვილიც და დანარჩენი ზონდერებიც იყავით მთლიანად ამ ჯაჭვის და ქსელის ავტორები. კარგად გვახსოვს“, – მიმართა ირაკლი ზარქუამ გვარამიას.