“სალომე ზურაბიშვილის ხედვა თანხვედრაშია ჩემს ხედვასთან”

სალომე ზურაბიშვილის ხედვა თანხვედრაშია ჩემს ხედვასთან, – ამის შესახებ, „ნაციონალური მოძრაობის“ ყოფილმა თავმჯდომარემ ნიკა მელიამ განაცხადა.

„რაც მოვისმინე სალომე ზურაბიშვილისგან მას აქვს ისეთი ხედვა, რომელიც თანხვედრაში მოდის ჩემ ხედვასთან – როგორ შეიძლება მართლმსაჯულებაში ტრადიციული პრობლემა გადაწყდეს, როგორ არის შესაძლებელი, რომ ამ ქვეყანაში კორუფცია დამარცხდეს, როგორ არის შესაძლებელი, რომ ამ ქვეყანაში ნდობას ქმნიდეს არა მხოლოდ 100 ადამიანი, არამედ თანაბრად ნაწილდებოდეს ის საქართველოს მოქალაქეებზე“, – აღნიშნა მელიამ.

ერთიანობის პლატფორმა ევროპისთვის – სალომე ზურაბიშვილი თავისი ინიციატივის ფარგლებში ოპოზიციასთან შეხვედრებს განაგრძობს. ორბელიანების სასახლეს ამჯერად ნიკა მელია ესტუმრა. დღესვე დაგეგმილია პრეზიდენტის შეხვედრა „მოქალაქეებთან“ და „ევროპულ საქართველოსთან“. „ნაციონალური მოძრაობა“ შევხედრაზე მისვლის მზაობას ადასტურებს, თუმცა თარიღი ჯერჯერობით უცნობია.