„ნაცმოძრაობასა“ და სალომე ზურაბიშვილს შორის ღია ალიანსია. არც ასე, არც ისე ამ პოლიტიკურ ძალას წარმატების შანსები არ აქვს, – ამის შესახებ პრემიერ-მინისტრმა ირაკლი კობახიძემ ჟურნალისტებთან განაცხადა.
„ნაცმოძრაობასა“ და სალომე ზურაბიშვილს შორის ღია ალიანსია. ზურაბიშვილმა პრაქტიკულად დააანონსა ახალი პარტიის შექმნა და ალიანსი კოლექტიურ „ნაცმოძრაობასთან“. ეს არის მათი პოლიტიკური დღის წესრიგი. არც ასე, არც ისე ამ პოლიტიკურ ძალას წარმატების შანსები არ აქვს. პროცესების ქუჩაში გადასვლის რესურსი არ არსებობს. მთავარია, რომ ჩვენ უზრუნველვყოთ ქვეყნის სტაბილურობა. ამაზე ჩვენ ვართ პასუხისმგებლები. ამ წლების განმავლობაში, ბევრად უფრო რთულ პერიოდში მოვახერხეთ ქვეყანაში სტაბილურობის შენარჩუნება. ვპირდებით საზოგადოებას, რომ არავის მივცემთ სხვა სცენარით ქვეყანაში პროცესების განვითარების შესაძლებლობას“, – აღნიშნა კობახიძემ.