ამერიკელი ოფიციალური პირების შეფასებით, შევსების გარეშე, უკრაინას საჰაერო თავდაცვის საშუალებები მხოლოდ მომავალ თვემდე ეყოფა. ინფორმაციას ამის შესახებ ამერიკული გაზეთი The New York Times-ი ავრცელებს.
როგორც გაზეთი The New York Times-ი წერს, დასავლელი სამხედრო ანალიტიკოსები ვარაუდობენ, რომ 2024 წელი უკრაინის აღდგენის წელი იქნება და გენერალ სირსკის მოუწევს იმის გარკვევა, თუ როგორ გამოიყენოს უკეთ ჯარისკაცები რუსული წინსვლის შესაჩერებლად.
“თუმცა, სანამ უკრაინელი ლიდერები იფიქრებენ თავიანთი პოზიციის აღდგენაზე, მათ ჯერ უნდა შეინარჩუნონ ის, რაც აქვთ, ხოლო რუსეთის წინსვლის თავიდან აცილება გართულებულია ჯარისკაცებისა და საბრძოლო მასალის კრიტიკული დეფიციტის გამო“, – აღნიშნულია სტატიაში.
დასავლელი ოფიციალური პირები და სამხედრო ექსპერტები აფრთხილებენ, რომ აშშ-ის დახმარების გარეშე, ფრონტზე კასკადური კოლაფსი უკვე წელს სავსებით შესაძლებელია.
მათი თქმით, რამდენიმე თვეში განახლებული დახმარების ნაკლებობას ფართო გავლენა ექნება.
მაგრამ ოფიციალური პირები ასევე მიიჩნევენ, რომ რუსეთს გაუჭირდება აღმოსავლეთ უკრაინაში მასშტაბური შეტევის დასაწყებად საკმარისი შესაძლებლობების სწრაფად შექმნა.