კათოლიკოს-პატრიარქი ილია მეორე ვაჟა აზარაშვილის გარდაცვალების გამო ოჯახის წევრებსა და ახლობლებს, სრულიად საქართველოს უსამძიმრებს.
“წავიდა ჩვენგან ბატონი ვაჟა აზარაშვილი – ქართული მუსიკალური სამყაროს უნიჭიერესი, თავმდაბალი, მორწმუნე, სიკეთით სავსე წარმომადგენელი, მომავალი თაობების აღმზრდელი ღირსეული პიროვნება.
ვუსამძიმრებთ ოჯახის წევრებსა და ახლობლებს, სრულიად საქართველოს.
აღვავლენთ ლოცვებს ბატონი ვაჟას უკვდავი სულისათვის, რათა უფალმან სავანესა თვისსა განუსვენოს მას“, ნათქვამია სრულიად საქართველოს კათოლიკოს-პატრიარქის, ილია II-ის სამძიმრის წერილში.
ვაჟა აზარაშვილი 87 წლის ასაკში გარდაიცვალა.
კომენტარები