გაეროში ჩინეთის ელჩმა, ჟან ჯუნმა განაცხადა, რომ აშშ-მა უკრაინისთვის იარაღის მიწოდება უნდა შეწყვიტოს. ამის შესახებ Newsweek-ი იტყობინება.
„კონკრეტულმა ქვეყნებმა დაუყოვნებლივ უნდა შეწყვიტონ ცეცხლზე ნავთის დასხმა და საერთაშორისო საზოგადოების დიპლომატიური ძალისხმევებისთვის ძირის გამოთხრა“, – განაცხადა ჟან ჯუნმა.
მისივე თქმით, ომის მხარეებმა მინსკის შეთანხმება უნდა შეასრულონ.
„სამწუხაროდ, შეთანხმების დებულებების უმეტესობა დღემდე არ განხორციელებულა, ფართომასშტაბიანი კონფლიქტები მოგვიანებით დაიწყო და დღემდე grZeldeba. ეს სამწუხაროა და ყველა მხარის მხრიდან სერიოზულ რეაგირებას იმსახურებს. ერთი ქვეყნის უსაფრთხოების ინტერესები არ უნდა იყოს უზრუნველყოფილი სხვა ქვეყნების უსაფრთხოების ინტერესების ხარჯზე, ხოლო რეგიონული უსაფრთხოება ვერ იქნება გარანტირებული სამხედრო დაჯგუფებების გაძლიერების ან გაფართოების გზით. ყველა ქვეყნის უსაფრთხოების ინტერესები თანასწორუფლებიანია“, – განაცხადა ჩინეთის ელჩმა.