პარლამენტის დამოუკიდებელი დეპუტატი თეონა აქუბარდია აცხადებს, რომ ირაკლი კობახიძის შესაძლო კორუმპირებულობის შესახებ მტკიცების ტვირთი ასეთი განცხადებების ავტორს, გიორგი გახარიას აქვს.
„მე არ მაქვს ინფორმაცია ირაკლი კობახიძის კორუმპირებულობასთან დაკავშირებით, თუმცა იქიდან გამომდინარე, რომ გიორგი გახარია „ქართული ოცნების“ სიის პირველი ნომერი და პრემიერ-მინისტრი იყო, შესაძლოა მას აქვს ინფორმაცია და ეს მისი მტკიცების ტვირთია“, – აღნიშნა აქუბარდიამ.
მთავრობის გადაწყვეტილებების დამალვაში გიორგი გახარიას მხილების შემდეგ მისი თანაგუნდელები თავდაცვის მიზნით თავდასხმაზე გადავიდნენ და ხელისუფლებას მტკიცებულებების გარეშე კორუფციაში ადანაშაულებენ.
კომენტარები