ჩემი დაკავება უსამართლობაა, – ამის შესახებ პატიმრობიდან გათავისუფლებულმა დეკანოზმა გიორგი მამალაძემ ჟურნალისტებთან საუბრისას განაცხადა. ის საპატიმროდან ქობულეთში, საკუთარ სახლში რეანიმობილით გადაიყვანეს.
„ჩემი მთავარი გეგმაა ჯანმრთელობის მდგომარეობის გამოსწორება, შემდგომ უკვე ყველაფერი იქნება. ჩემი დაკავება უსამართლობაა“, – აღნიშნა მამალაძემ.
გიორგი მამალაძე საპატიმროდან ე.წ. უდოს კომისიის გადაწყვეტილების საფუძველზე გათავისუფლდა.
დეკანოზი 2017 წლის 10 თებერვალს დააკავეს. ის სამივე ინსტანციის სასამართლომ შურისძიების მოტივით ციანიდის გამოყენებით შორენა თეთრუაშვილის მკვლელობის მომზადებაში ცნო დამნაშავედ და 9-წლიანი პატიმრობა მიუსაჯა.
კომენტარები