ისრაელის შეტევა რაფაჰზე ჰუმანიტარული კატასტროფა იქნება, – ამის შესახებ გერმანიის საგარეო საქმეთა მინისტრმა, ანალენა ბერბოკმა განაცხადა.
ბერბოკის თქმით, ისრაელის შეტევა ღაზის სექტორში მდებარე ქალაქ რაფაჰში, სადაც 1,3 მილიონი ადამიანი აფარებს თავს, ჰუმანიტარული კატასტროფა იქნება.
„იქ 1,3 მილიონი ადამიანია, მათ ნამდვილად არ აქვთ ახლა სხვაგან წასასვლელი. თუ ისრაელი წამოიწყებს შეტევას რაფაჰში, ამ პირობებში ეს იქნება ჰუმანიტარული კატასტროფა“, – აღნიშნა ბერბოკმა.
ამასთან, ბერბოკმა განაცხადა, რომ გერმანია უბიძგებს ევროკავშირს, იმუშაოს სანქციებზე ისრაელელების მიმართ, რომლებიც თავს ესხმიან პალესტინელებს დასავლეთ სანაპიროზე.
„მოდით, ერთად შევთანხმდეთ სანქციებზე ევროპაში. ამისთვის ჩვენ გვჭირდება 27-ვე წევრი ქვეყნის თანხმობა. ჩვენ, გერმანელებმა, ეს წინადადება ევროპულ გზაზე გავიტანეთ“, – აღნიშნა ბერბოკმა.