“მიშას ახლა 7 პარტია წარმოადგენს ქართულ პოლიტიკურ სპექტრში. საკუთრივ “ნაცები”, გვარამიას მომავალი პარტია, მელიას მომავალი პარტია, ზურაბ ჯაფარიძის პარტია, “ევროპული საქართველო”, “ლელო” და “ლეიბორისტული პარტია”,- ამის შესახებ “გირჩის” ლიდერი იაგო ხვიჩია აცხადებს.
მისივე თქმით, აღნიშნული პარტიები მიხეილ სააკაშვილთან და დავით კეზერაშვილთან ვაჭრობენ.
“ეს 7 პარტია ნადირობს მიშას ხმებზე და მიდის ვაჭრობა კეზერასთან და მიშასთან. ერთ ფულზე ევაჭრებიან, მეორეს სიაში გამსვლელ ადგილზე. როცა გაირკვევა, რომ დამოუკიდებლად ეს პარტიები რამე განსაკუთრებულ ძალას არ წარმოადგენენ, ჩვენ მიგვაჩნია, რომ ყველა მათგანი უნდა დაბრუნდეს თავის წიაღში ნაცებში,” – აცხადებს ხვიჩია.
კომენტარები