უკრაინელი სამხედროები აცხადებენ, რომ დონეცკის ოლქის ქალაქ ავდიივკას დათმობა მხოლოდ დროის საკითხია, – წერს ამერიკული გაზეთი The Washington Post-ი სტატიაში სათაურით უკრაინა ავდიივკას დაკარგვის ზღვარზეა – სტრატეგიული ქალაქი, რომელიც დიდი ხანია რუსეთის სამიზნეა.
ხუთშაბათს უკრაინელმა სამხედროებმა განაცხადეს, რომ უკრაინულმა ძალებმა უკვე უკან დაიხიეს ზოგიერთი პოზიციიდან, რადგან რუსებმა სწრაფი წინსვლა დაიწყეს.
The Washington Post-ი აღნიშნავს, რომ ავდიივკა პოტენციურად პირველი კრიტიკული ტესტია უკრაინის ახალი მთავარსარდალისთვის, ოლექსანდრ სირსკისთვის, რომელმაც უნდა გადაწყვიტოს, აღიაროს თუ არა და როდის უნდა აღიაროს დამარცხება და ჯარების გაყვანა.
“ავდიივკას აღება ბრძოლის ველზე მოსკოვის ყველაზე მნიშვნელოვანი გამარჯვება იქნება მას შემდეგ, რაც უკრაინამ გასულ წელს წარუმატებელი კონტრშეტევა დაიწყო და ეს იქნება ყველაზე ნათელი ნიშანი იმისა, რომ რუსული ძალები იბრუნებენ ინიციატივას მაშინ, როდესაც კიევს აკლია ჯარისკაცები, იარაღი, საბრძოლო მასალა, სულისკვეთება და ფული”, – აღნიშნულია სტატიაში.