ჩვენ გვჭირდება დაბალანსებული ეკონომიკა, დივერსიფიცირებული ეკონომიკა ყველა ქვეყანასთან,- ამის შესახებ პარტია „ლელო საქართველოსთვის“ ლიდერმა მამუკა ხაზარაძემ განაცხადა.
„არსად გვითქვამს, რომ რუსეთთან ეკონომიკური კავშირი უნდა შეწყდეს. საჭიროა ჩვენი ქვეყანა იყოს დამოუკიდებელი. ჩვენ გვჭირდება დაბალანსებული ეკონომიკა, დივერსიფიცირებული ეკონომიკა ყველა ქვეყანასთან“,- აღნიშნა ხაზარაძემ.
ლელოს საარჩევნო დაპირება ათასლარიან პენსიაზე მმართველი პარტიისთვის კიდევ ერთი პოპულისტური განაცხადია. სახელისუფლებო გუნდისთვის გაუგებარია, რა ეკონომიკური გათვლით აპირებს ხაზარაძე – ჯაფარიძის პარტია დაპირების შესრულებას, როდესაც აანონსებენ, რომ გამარჯვების შემთხვევაში ქვეყანა რუსეთის წინააღმდეგ ევროკავშირის მიერ დაწესებულ სანქციებს შეუერთდება. „ლელო“ სახელისუფლებო პარტიის კრიტიკას არ იზიარებს და პასუხებს, რომ დაპირების შესრულება შესაძლებელია.