აშშ-ის ქოლგამ, შესაძლოა, მუდმივად არ დაიცვას ევროპა, – ამის შესახებ განცხადება ევროკავშირის საგარეო-პოლიტიკური უწყების ხელმძღვანელმა, ჯოზეფ ბორელმა მიუნხენის უსაფრთხოების კონფერენციაზე სიტყვით გამოსვლისას გააკეთა.
„ევროპა ძალიან კარგად გრძნობს თავს აშშ-ის ქოლგის ქვეშ, მაგრამ ამერიკული ქოლგა, შესაძლოა, მუდმივად არ იყოს გაშლილი”, – თქვა ბორელმა.
მისივე თქმით, ევროკავშირმა უნდა განავითაროს საკუთარი თავდაცვისა და შეკავების ძალები. ამასთან, ბორელს არ დაუკონკრეტებია, გულისხმობდა თუ არა ის ევროპის „ბირთვული ქოლგის” განვითარებას.
„ჩვენ მომავალში, შესაძლოა, მოგვიხდეს უფრო მეტად ავტონომიური გავხდეთ, ვიდრე ოდესმე”, – განაცხადა ევროკავშირის საგარეო-პოლიტიკური უწყების ხელმძღვანელმა.
კომენტარები