ოპოზიციის ჩრდილოვანი კაბინეტის სავარაუდო შემადგენლობა პოლიტიკური განცხადებები კეთდება – ოპოზიციის ნაწილი “კურიერის” მიერ მოპოვებულ ინფორმაციას არ ადასტურებს.
“ხალხის ძალის” ერთ-ერთმა ლიდერმა გურამ მაჭარაშვილმა განაცხადა, რომ პარლამენტში კოალიციის საჭიროებას ხალხი გადაწყვეტს.
“ნუ შეწუხდებიან იმით, კოალიცია უნდა საქართველოს საზოგადოებას თუ არ უნდა, ამას თავად გადაწყვეტენ 26 ოქტომბერს. რაც შეეხება მათ პოლიტიკურ სიზმრებს, ცნობილი მულტფილმია – “სიზმარა” – აქეთ მზე, იქით მთვარე, შუაში ვარსკვლავები. დაირიგეს ახლა ეს მინისტრების პორტფელები ვარსკვლავებივით. არ ვიცი ეს “სიზმარა” სააკაშვილი იქნება, ხაბეიშვილი თუ კეზერაშვილი.
პრემიერ-მინისტრი ვაშაძე იქნება თუ სხვა ვინმე, ამაზეც ალბათ ერთმანეთს დახოცავენ, ეს მათი საქმეა, უფლება აქვთ ასეთი სიზმრებით იცხოვრონ, მაგრამ რეალობა იქნება მსოფლიოს გასაგონად – საქართველოს საზოგადოება გადაწყვეტს კოალიცია იქნება საჭირო პარლამენტში, თუ არ იქნება,” – აღნიშნა “ხალხის ძალის” ერთ-ერთმა ლიდერმა, გურამ მაჭარაშვილმა.