შვეიცარიის სამხრეთ-დასავლეთ ნაწილში ძლიერმა წვიმამ წყალდიდობა და მეწყერი გამოიწვია. დაკარგულად ითვლება სამი ადამიანი.
უხვი ნალექის გამო რამდენიმე მდინარე ნაპირებიდან გადმოვიდა, რის შედეგადაც დაიტბორა გზები, მინდვრები და სოფლები. ერთ-ერთ სოფელში წყალმა სამი საცხოვრებელი სახლი და სამი მანქანა წაიღო.
შვეიცარიის მეტეოროლოგიური სამსახურის ცნობით, გრაუბიუნდენის კანტონში 124 მმ ნალექი მოვიდა, აქედან 63 მმ ერთი საათის მონაკვეთში.
„ასეთ მოკლე დროში მოსულმა ასეთმა უხვმა ნალექმა შექმნა პრობლემები. წვიმის ასეთი კონცენტრაცია 30 წელში ერთხელ ხდება“, – განაცხადეს მეტეოროლოგიურ სამსახურში.
პოლიცია მოსახლეობას მოუწოდებს, სტიქიით დაზარალებულ რეგიონში გამგზავრებისგან თავი შეიკავონ, რადგან ბევრი გზა გადაკეტილია. ხუთ სოფელს კი ელექტროენერგიის მიწოდება შეუწყდა. შვეიცარიის დასავლეთით კანონ ვალეში გასული პარასკევის შემდეგ ძლიერი წვიმის შედეგად გამოწვეული წყალდიდობისა და მეწყრის გამო 230 ადამიანის ევაკუაცია განხორციელდა.