საჩხერეში, ჯრუჭის წმინდა გიორგის მონასტრის გუმბათზე ჯვარი აღიმართა.
საჩხერის მუნიციპალიტეტის მაჟორიტარი დეპუტატის ინიციატივით, კულტურული მემკვიდრეობის ეროვნული სააგენტოსა და საპატრიარქოსთან შეთანხმებული პროექტისა და ეროვნული სააგენტოს მიერ გაცემული ნებართვის საფუძველზე, 2018 წელს ჯრუჭის მონასტრის აღდგენის სამუშაოები დაიწყო.
1991 წლის მიწისძვრამ ჯრუჭის წმინდა გიორგის მონასტერი ნანგრევებად აქცია. ამ დროისათვის ტერიტორიაზე მამათა მონასტერია.
მე-11 საუკუნის ქართული ხუროთმოძღვრების ძეგლი, წმინდა გიორგის მონასტერი, რომელიც საუკუნეთა განმავლობაში სასულიერო და კულტურულ-საგანმანათლებლო კერა იყო, მდებარეობს საჩხერის მუნიციპალიტეტში, მდინარე ყვირილის მარჯვენა შენაკადის-ჯრუჭულის სათავეში.
კომენტარები