სალომე ზურაბიშვილი ისეთ აგონიაშია, შეიძლება გამოვიდეს და თქვას, მოგიწოდებთ პოლიციელებო, ჯარისკაცებო, საჯარო მოხელეებო დაიცვათ ერთადერთი ლეგიტიმური პრეზიდენტი, შეიძლება ეს სიგიჟეც გააკეთოს, – განაცხადა საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარემ და პარტიის აღმასრულებელმა მდივანმა მამუკა მდინარაძემ პარლამენტში მედიასთან.
„მაგრამ მე ვერ წარმომიდგენია სალომე ზურაბიშვილი თავის სკამს ჩაფრენილი და ვიღაც თითებს რომ აშვებინებს – გაუშვი სალომე ამას ხელი, არ ვარგაო“, – აღნიშნა მამუკა მდინარაძემ.
ამერიკული მოდელით პრეზიდენტის არჩევნები 14 დეკემბერს ჩატარდება, ინაუგურაცია კი 29 დეკემბერს გაიმართება. საქართველოს პრეზიდენტობის კანდიდატი მიხეილ ყაველაშვილია.
კომენტარები