ნატო-ს გენერალური მდივანი მარკ რუტე აცხადებს, რომ უკრაინის პრეზიდენტის, ვოლოდიმირ ზელენსკის მხრიდან გერმანიის კანცლერის, ოლაფ შოლცის კრიტიკა უსამართლოა. ინფორმაციას ამის შესახებ სააგენტო „როიტერი“ ავრცელებს.
„ხშირად მითქვამს ზელენსკისთვის, რომ მან უნდა შეწყვიტოს ოლაფ შოლცის კრიტიკა, რადგან ვფიქრობ, ეს უსამართლოა“, – განაცხადა მარკ რუტემ DPA-სთან ინტერვიუში.
ამასთან, რუტემ აღნიშნა, რომ შოლცისგან განსხვავებით, ის მხარს უჭერს უკრაინისთვის Taurus-ის ფრთოსანი რაკეტების მიწოდებას და არ დააწესებდა ლიმიტს მათ გამოყენებაზე.
„ზოგადად, ჩვენ ვიცით, რომ ასეთი შესაძლებლობები ძალიან მნიშვნელოვანია უკრაინისთვის“, – განაცხადა რუტემ და აღნიშნა, რომ მისი გადასაწყვეტი არ არის, რა შეიარაღებას მიაწვდიან მოკავშირეები კიევს.
კომენტარები