სოფელ ხელედში სალოტბარო სკოლა გაიხსნა. ინფორმაციას ანზორ ერქომაიშვილის სახელობის ფოლკლორის სახელმწიფო ცენტრი ავრცელებს. ფოლკლორის ცენტრის ინიციატივით და კულტურის სამინისტროს მხარდაჭერით, სალოტბარო სკოლები ჯამში 41 მუნიციპალიტეტსა და სოფელში მოქმედებს.
„ქვემო სვანეთში ხელედი, ერთ-ერთი გამორჩეული სოფელია, რომელიც ყოველთვის იდგა კუთხისთვის დამახასიათებელი ძვირფასი ფოლკლორული , სასიმღერო თუ საცეკვაო ნიმუშების, საყოფაცხოვრებო ტრადიციებისა, თუ სვანური ენის მცოდნეობის და მისი თაობებისთვის სრულყოფილად გადაცემის სადარაჯოზე. ამიტომ ფოლკლორის სახელმწიფო ცენტრის გადაწყვეტილებით, სოფელში გაიხსნა სალოტბარო სკოლა, რომელიც ხელს შეუწყობს სოფელს ისევ გამოზარდოს სვანური წესითა და ადათით მრავალი თაობა.
სკოლაში ამჟამად სწავლობს 18 მოსწავლე და მათი ლოტბარ – რეგენტი გახლავთ კახა გაზდელიანი. ხოლო ქორეოგრაფი-იური ბენდელიანი. უკვე ახალი სასწავლო სემეტრიდან ქვეყნის მასშტაბით, სკოლები შეისწავლიან ქართულ ხალხურ ზეპირსიტყვიერებასაც“, – ნათქვამია ფოლკლორის ცენტრის მიერ გავრცელებულ ინფორმაციაში.
