ხულოში, უწყვეტ რეჟიმში გრძელდება დიდთოვლობის შედეგად გამოწვეული პრობლემების სალიკვიდაციო სამუშაოები.
აქტიურად იწმინდება ადმინისტრაციულ ერთეულებთან მისასვლელი გზები, ასევე გაიწმინდა ყველა სტრატეგიული დანიშნულების ობიექტამდე მისასვლელი გზა.
ამ დროისთვის ელექტროენერგია მუნიციპალიტეტის ყველა აბონენტს მიეწოდება. ასევე, გრაფიკის მიხედვით, შეუფერხებლად მიეწოდება სასმელი წყალი დაბა ხულოს მოსახლეობას.
რთული მეტეოროლოგიური პირობების – დიდთოვლობის, ხილვადობის გაუარესებისა და ქარბუქის გამო, ხულოს მუნიციპალიტეტის საბავშვო ბაღების აღმზრდელთა და აღსაზრდელთა უსაფრთხოების მიზნით, სასწავლო-სააღმზრდელო პროცესი შეჩერებულია.
„უწყვეტ რეჟიმში გრძელდება დიდთოვლობის შედეგად გამოწვეული პრობლემები სალიკვიდაციო სამუშაოები, მობილიზებულია ადამიანური რესურსი და შესაბამისი სპეცტექნიკა. გვქონდა შეტყობინებები მოქალაქეებისგან, მოხდა მყისიერი რეაგირება. გავუწიეთ სხვადასხვა ტიპის დახმარება, მათ შორის ადგილზე მივიტანეთ სასურსათო პროდუქტები”, – განაცხადა ხულოს მერმა ჯამბულატ მელაძემ.
მოქმედებს მერიის ცხელი ხაზი, რომელიც 24 საათიან რეჟიმში მუშაობს და ყველას აქვს შესაძლებლობა, საჭიროების შემთხვევაში დაუკავშირდეს ხულოს მუნიციპალიტეტის მერიას ტელ: +995 551 00 52 72