საქართველოს თავდაცვის მინისტრმა, ირაკლი ჩიქოვანმა „დღის ქრონიკაში“ ჩართვისას, სტიქიის ზონებში მოხალისეების ჩართულობის საკითხზე ისაუბრა.
როგორც მინისტრმა აღნიშნა, საჭიროების შემთხვევაში საკოორდინაციო შტაბი მოხალისეების ჩართვასთან დაკავშირებით მოწოდებას თავად გაავრცელებს.
„ხაზი მინდა გავუსვა იმას, რომ ერთმნიშვნელოვნად პოზიცია, რომელიც შტაბს გააჩნია, არის ის, რომ თუ საჭირო და აუცილებელი გახდება მოხალისეების ჩართვა, ამასთან დაკავშირებით შტაბს ექნება მოწოდებაც და ექნება თავისი საკოორდინაციო მექანიზმიც. ამ ეტაპისათვის, დღეს, რეალობაში ვხედავთ, რომ სამწუხაროდ, არის ხოლმე პრობლემა. მეც პირადად შემხვდა ამ დღეების განმავლობაში მაგალითი, სადაც ადამიანები ცდილობდნენ გადაადგილებას კონკრეტული მიმართულებით, რომ მოეკითხათ საკუთარი ახლობლები, მაგრამ იმ მანქანით და შესაძლებლობებით ისინი ვერ შეძლებდნენ ამას, საჭიროება გახდა უზრუნველგვეყო სხვანაირი ტრანსპორტირება. შტაბში შემოდის აბსოლუტურად ყველა ინფორმაცია და მაქსიმალური ოპერატიულობით ვცდილობთ, რომ უზრუნველვყოთ ყველა საჭიროება“,- აღნიშნა ჩიქოვანმა.