„ენერგო-პრო ჯორჯიაში“ აცხადებენ, რომ სტიქიის ზონაში კვლავ შემცირდა იმ აბონენტების რაოდენობა, რომლებსაც ელექტროენერგია შეზღუდვით მიეწოდებათ.
„ენერგო-პრო ჯორჯიას“ ცნობით, ბრიგადები საგანგებო რეჟიმში მუშაობას განაგრძობენ.
„გურიაში ადგილობრივ ელექტრიკოსებთან ერთად, საქართველოს ყველა რეგიონიდან ჩასული დამატებითი ბრიგადები საგანგებო რეჟიმში მუშაობას განაგრძობენ. ავარიების ლიკვიდაცია და აბონენტების ენერგომომარაგების აღდგენა ეფექტურად გრძელდება, თუმცა რაც უფრო მცირდება გათიშულ აბონენტთა რაოდენობა, მით უფრო რთულდება აღდგენითი სამუშაოები. რჩება რელიეფურად უფრო რთულ ადგილებზე განლაგებული, მაღალმთიანი სოფლები, სადაც თოვლის საფარი კვლავ დიდია და გადაადგილებაც უფრო ჭირს. რა თქმა უნდა, ავარიების კერების იდენტიფიცირების და მათი ლიკვიდაციის ტემპი მომდევნო დღეების განმავლობაში შენარჩუნდება. მუშაობა გაგრძელდება იქამდე, ვიდრე ყველა აბონენტს არ მიეწოდება ელექტროენერგია“, – ნათქვამია „ენერგო-პრო ჯორჯიას“ ინფორმაციაში.