ავიაკომპანია „ჯორჯიან ეარვეისი“ აპრილში თბილისიდან პირდაპირ ფრენებს ორი ახალი ევროპული მიმართულებებით, რომსა და ფორლიში შეასრულებს. ინფორმაციას ამის შესახებ „ჯორჯიან ეარვეისი“ ავრცელებს.
ავიაკომპანიის ცნობით, ფორლის მიმართულებით პირდაპირი რეისები 24 აპრილიდან კვირაში ერთხელ, ხუთშაბათს, ხოლო რომის აეროპორტ ფიუმიჩინოს მიმართულებით 26 აპრილიდან კვირაში ორჯერ, ოთხშაბათს და შაბათს შესრულდება.
იტალიის მიმართულებით შესრულდება ყოველდღიური ფრენები კვირაში სამჯერ მილანში, კვირაში ორჯერ რომში და კვირაში ერთხელ ფორლიში.
ფორლი იტალიის სამედიცინო კურორტია, რომელიც ვიზიტორებს სთავაზობს ევროპული სტანდარტის სამედიცინო ჩექაპს, რეაბილიტაციას, გამაჯანსაღებელ პროცედურებს და თერმულ სპაცენტრებს. ასევე, ზაფხულის სანავიგაციო სეზონზე დაემატება მეოთხე სიხშირეები პარიზისა და ნიცის მიმართულებით.
„„ჯორჯიან ეარვეისი“ ზაფხულის სანავიგაციო სეზონზე გააგრძელებს პირდაპირ ფრენებს ევროპის სხვა მიმართულებითაც, ვენაში, ამსტერდამში, ბერლინსა და ლარნაკაში.
აღსანიშნავია, რომ „ჯორჯიან ეარვეისი“ ევროპის მიმართულებით პირდაპირ ფრენებს დღის საათებში ასრულებს, რაც განსაკუთრებით კომფორტულია მგზავრებისთვის. ავიაბილეთის სტანდარტულ ტარიფში შედის ჩასაბარებელი ბარგიც. პირდაპირი ფრენები შესრულდება „ბოინგ 737-700“, „ბოინგ 737-800“ და „ბოინგ 767“ ტიპის ავიახომალდებით“, – ნათქვამია კომპანიის მიერ გავრცელებულ ინფორმაციაში.