ესპანეთში, კოსტა დელ სოლზე მდებარე ბინაში ქალის მუმიფიცირებული ცხედარი იპოვეს, რომელიც, სავარაუდოდ, 14 წლის წინ გარდაიცვალა. ინფორმაციას dailymail-ი ავრცელებს.
ქალის ცხედარი მამა-შვილმა იპოვა, რომელიც, თვითნებურად შესახლების მიზნით, სახლში შევიდა. მათ აღმოჩენის შესახებ მეზობლები გააფრთხილეს, რის შემდეგაც ადგილზე პოლიცია გამოიძახეს.
სასამართლო ექსპერტების პირველადი შეფასებით, ქალის დაახლოებით 14 წლის წინ გარდაიცვალა. პოლიციის ინფორმაციით, ცხედარი, სავარაუდოდ, ესპანელ ქალს ეკუთვნის, რომელიც გარდაცვალების პერიოდში 85 წლის იყო.
ამჟამად სამართალდამცველები გარდაცვლილის ნათესავების პოვნასა და მისი გარდაცვალების მიზეზის დადგენას ცდილობენ.
აღსანიშნავია, რომ მრავალბინიან სახლში მაცხოვრებლები ხშირად იცვლებოდნენ და, სავარაუდოდ, სწორედ ეს გახდა იმის მიზეზი, რომ ქალის გარდაცვალება ვერ შეამჩნიეს.