აშშ-მა არგენტინის ყოფილ პრეზიდენტ კრისტინა ფერნანდეს დე კირშნერს და არგენტინის დაგეგმვის ყოფილ მინისტრს ხულიო დე ვიდოს მის ტერიტორიაზე შესვლა აუკრძალა, – ამის შესახებ შეერთებული შტატების სახელმწიფო მდივანმა, მარკო რუბიომ განაცხადა.
„ფერნანდეს დე კირშნერმა და დე ვიდომ თავიანთი უფლებამოსილება ბოროტად გამოიყენეს, ორგანიზებით და ფინანსური სარგებლის მიღების მიზნით კორუფციული სქემები შეადგინეს, რომლებიც მოიცავს სახელმწიფო სამშენებლო კონტრაქტებს, რამაც არგენტინის ბიუჯეტიდან მილიონობით დოლარის მოპარვა გამოიწვია“, – აღნიშნა რუბიომ.
სასამართლომ ორივე ბრალდებული დამნაშავედ ცნო კორუფციულ საქმეებში, რამაც, აშშ-ის თქმით, „შეარყია არგენტინელი ხალხისა და ინვესტორების ნდობა ქვეყნის მომავლის მიმართ“.
კომენტარები