საუდის არაბეთის დედაქალაქ ერ-რიაში უკრაინისა და შეერთებული შტატების დელეგაციების შეხვედრა, დაახლოებით 5 საათი გაგრძელდა. ინფორმაციას უკრაინის თავდაცვის მინისტრი, რუსტემ უმეროვი ავრცელებს.
მსჯელობის დეტალები ჯერ უცნობია, თუმცა უკრაინის თავდაცვის მინისტრი, რომელიც მოლაპარაკებებში მონაწილეობდა, დისკუსიას ნაყოფიერად აფასებს.
„ჩვენ დავასრულეთ შეხვედრა ამერიკულ გუნდთან. დისკუსია იყო ნაყოფიერი. განვიხილეთ ძირითადი საკითხები, მათ შორის ენერგეტიკა. ვოლოდიმირ ზელენსკის მიზანია სამართლიანი და ხანგრძლივი მშვიდობის უზრუნველყოფა ჩვენი ქვეყნისა და ხალხისთვის და შესაბამისად, მთელი ევროპისთვის. ჩვენ ვმუშაობთ, რათა ეს მიზანი რეალობად ვაქციოთ“, – დაწერა უმეროვმა სოციალურ ქსელ X-ში შეხვედრის დასრულების შემდეგ.
კომენტარები