აშშ-ის ვიცე-პრეზიდენტის, ჯეი დი ვენსის მეუღლე უშა ვენსი 27 მარტს გრენლანდიაში ჩავა.
თეთრი სახლის მიერ გავრცელებული განცხადებით, ვიცე-პრეზიდენტის მეუღლე, სამ შვილთან ერთად, აშშ-ის დელეგაციის შემადგენლობაში მოინახულებს ისტორიულ ადგილებს, გაეცნობა გრენლანდიის მემკვიდრეობას და დაესწრება ძაღლების რბოლას.
დელეგაცია აშშ-ში 29 მარტს დაბრუნდება.
მედიის ცნობით, დელეგაციის შემადგენლობაში იქნებიან ეროვნული უსაფრთხოების საკითხებში თეთრი სახლის მრჩეველი მაიკ უოლცი და ენერგეტიკის მდივანი კრის რაითი, რომლებიც გრენლანდიაში ამერიკულ სამხედრო ბაზას ეწვევიან.
აშშ-ის პრეზიდენტმა არაერთხელ გააკეთა განცხადება გრენლანდიის ანექსიასთან დაკავშირებით.
კუნძული გრენლანდია დანიის სამეფოს ავტონომიური ტერიტორიაა.
კომენტარები