რუსთავში, მიმდინარე წლის ინფრასტრუქტურული პროექტების ერთ-ერთი მთავარი პრიორიტეტი მოსახლეობასთან შეთანხმებით, ახალი საგზაო ინფრასტრუქტურის მოწყობა და შიდა ეზოების რეაბილიტაციაა. გიორგი ჭყონდიდელის სახელობის უბანში, შიდა ეზოებისა და შიდა საუბნო სივრცეების რეაბილიტაცია, აქტიურად მიმდინარეობს.
სამუშაოების მიმდინარეობას, რუსთავის მერი ნინო ლაცაბიძე, მერის მოადგილე ბესიკ ტოგონიძესთან და ინფრასტრუქტურის სამსახურის ხელმძღვანელ ზურა ტაბაღუასთან ერთად, სამუშაო ფორმატში ადგილზე გაეცნო.
,,იმ პროექტებთან ერთად, რომელსაც რუსთავის მერიის გუნდი ცენტრალური უბნების განვითარების მიზნით ვახორციელებთ, ასევე აქტიურად მიმდინარეობს სამუშაოები შიდა საუბნო სივრცეების მოსაწყობად. ჭყონდიდელის სახელობის უბანში, ერთდროულად 11 ეზოს სარეაბილიტაციო სამუშაოები ტარდება. პროექტი გულისხმობს, როგორც მიწისქვეშა კომუნიკაციების გამოცვლას, ასევე ეზოების მოასფალტებასა და საფეხმავლო ბილიკების მოწყობას. პროექტის დასრულების შემდეგ, აღნიშნული უბანი კიდევ უფრო კომფორტული გახდება თითოეული რუსთაველისთვის“, – განაცხადა რუსთავის მერმა ნინო ლაცაბიძემ.
ჯავახიშვილის, გიორგაძისა და გრანელის ქუჩებზე არსებულ ეზოებში, ასფალტ-ბეტონისახალი საფარი დაიგება, მოეწყობა სანიაღვრე ქსელი, გათვალისწინებულია ტროტუარებისა და ბორდიურებისგანახლებაც. პროექტის ფარგლებში, 11 საცხოვრებელი კორპუსის შიდა საუბნო გზების სრული განახლებაა დაგეგმილი.
პროექტის ღირებულება, 858 140 ლარია და სახელმწიფო ბიუჯეტიდან ფინანსდება.
მიმდინარე წელს რუსთავში, 74 912 000ლარის ღირებულების ინფრასტრუქტურული პროექტების განხორციელებაა დაგეგმილი. სატენდერო პროცედურები ძირითად პროექტებზე უკვე დასრულებულია.
ინფორმაციას რუსთავის მერია ავრცელებს.