დღეს პირველად მივიღეთ შვეიცარიული დაბალბიუჯეტური კომპანია Edelweiss-ის პირველი პირდაპირი რეისი ციურიხიდან თბილისის მიმართულებით. ეს არის უდიდესი მიღწევა ჩვენი ქვეყნისთვის, – განაცხადა ეკონომიკისა და მდგრადი განვითარების მინისტრის მოადგილემ მარიამ ქვრივიშვილმა შვეიცარიასთან პირდაპირ ავიამიმოსვლაზე საუბრისას.
„დღეს პირველად მივიღეთ შვეიცარიული დაბალბიუჯეტური კომპანია Edelweiss-ის პირველი პირდაპირი რეისი ციურიხიდან თბილისის მიმართულებით. ეს არის უდიდესი მიღწევა ჩვენი ქვეყნისთვის, დიდი წარმატება ჩვენი ქვეყნის ავიაციის და ტურიზმის ინდუსტრიისთვის, რაც ხელს შეუწყობს ჩვენს დივერსიფიკაციის პოლიტიკას, რომ საქართველოში შემოვა კიდევ უფრო მეტი საერთაშორისო მოგზაური. ამ შემთხვევაში შვეიცარიიდან. საკმაოდ მსყიდველუნარიანი, მაღალმხარჯველუნარიანი ტურისტების სეგმენტი დაგვემატება. საქართველოს მთავრობა აპირებს განახორციელოს საკმაოდ მასშტაბური მარკეტინგული კამპანიები შვეიცარიასთან, მათ შორის ავიაკომპანია Edelweiss-თან, ისევე როგორც easyJet-თან, რომელმაც უკვე დაიწყო ფრენა ჟენევა-თბილისის მიმართულებით. შეიძლება წლევანდელი წელი ჩაითვალოს, რომ არის ისტორიული და რეკორდული“, – აღნიშნა ქვრივიშვილმა.