ლაგოდეხში, დედამიწის დღესთან დაკავშირებით გარემოსდაცვითი კონფერენცია გაიმართა.
კონფერენცია, რომელსაც 80 ადგილობრივი ახალგაზრდა დაესწრო მისასალმებელი სიტყვით გახსნეს – კახეთის მხარეში სახელმწიფო რწმუნებულმა, გიორგი ალადაშვილმა, მუნიციპალიტეტის მერმა, ჯონდო მდივნიშვილმა და საკრებულოს თავმჯდომარემ, კარლო ჯამბურიამ.
ხელისუფლების წარმომადგენლებმა ყურადღება გაამახვილეს გარემოზე ზრუნვის მნიშვნელობასა და ამ მიმართულებით განხორციელებულ პროექტებზე.
კონფერენციის მიზანს ახალგაზრდებში გარემოსდაცვით საკითხებზე ცნობიერების ამაღლება და ამ მიმართულებით დაგეგმილ ღონისძიებებში მათი აქტიური ჩართულობა წარმოადგენდა.
კონფერენციის მომხსენებელი და წამყვანი გარემოსდაცვითი საკითხების ექსპერტი -კონსტანტინე ხაჭაპურიძე იყო.
კომენტარები