ხონის მუნიციპალიტეტის მერმა ლადო ჯურხაძემ, მონტენეგროს სამთავრობო დელეგაციას უმასპინძლა, რომლებიც საქართველოში პროექტის, „დიასპორის ჩართულობა – გზა საქმიანი თანამშრომლობისკენ“, ფარგლებში იმყოფებიან, – ინფორმაციას ხონის მუნიციპალიტეტის მერია ავრცელებს.
„ლადო ჯურხაძემ სტუმრებს ხონის ტურისტული და ეკონომიკური პოტენციალი გააცნო, ადგილობრივი ბიზნესის ხელშემწყობი პროგრამებისა და მხარდამჭერი მექანიზმების შესახებ ინფორმაცია გაუზიარა.
შეხვედრაზე საუბარი შეეხო ადგილობრივი ხელისუფლების როლს დიასპორის ჩართულობის საკითხებში, სოფელ დიდღვაბუნაში განხორციელებულ პროექტს – „სამეფო კალმახის სალიფსიტეს“ და სამომავლო თანამშრომლობის გეგმებს“, – აღნიშნულია გავრცელებულ ინფორმაციაში.
კომენტარები