“საქართველო აგრძელებს ეკონომიკურ განვითარებას და მომდევნო წლებში კეთილდღეობის მაღალ დონეს აუცილებლად მივაღწევთ”

საქართველო აგრძელებს ეკონომიკურ განვითარებას და მომდევნო წლებში კეთილდღეობის მაღალ დონეს აუცილებლად მივაღწევთ, – განაცხადა ფინანსთა მინისტრის მოადგილემ, მიხეილ დუნდუამ. ამ კომენტარით დუნდუა გამოეხმაურა ეკონომიკური ზრდის დადებითი ტენდენციების შესახებ საქსტატის ახალ მონაცემებს.

„ასეთი მაღალი მაჩვენებლების დაფიქსირება ჩვენ გვაძლევს რეალურ წარმოდგენას, რომ საქართველოში წელსაც მაღალი ეკონომიკური ზრდა იქნება, შესაძლოა იყოს ორნიშნა ეკონომიკური ზრდაც კი, რაც საქართველოს გამოარჩევს მსოფლიოში. საქართველო აგრძელებს ეკონომიკურ განვითარებას და მომდევნო წლებში კეთილდღეობის მაღალ დონეს აუცილებლად მივაღწევთ“, – განაცხადა ფინანსთა მინისტრის მოადგილემ.