რუსი ბაიკერების “ღამის მგლების” ვაკის პარკში მისვლას “დემოკრატიული მოძრაობის” ლიდერი, ნინო ბურჯანაძე გამოეხმაურა და საზოგადოებას ვაჟა-ფშაველას პოემა “სტუმარ-მასპინძელი” შეახსენა.
როგორც ბურჯანაძემ ვაკის პარკში ჟურნალისტებს განუცხადა, თუ არ დავივიწყებთ ჩვენი დიდი წინაპრების დანატოვარ მემკვიდრეობას და ქართველობაზე ხელს არ ავიღებთ, მაშინა რ დავივიწყებთ იმასაც, რომ სტუმარს პატივისცემა უნდა.
“როცა ადამიანი შენთან მოდის იმისთვის, რომ პატივი მიაგოს იმ 300 000 რჩეულ ვაჟკაცს, რომელიც დაიღუპა დიდი სამამულო ომის დროს, ამ ადამიანებს შევხვდეთ პროტესტით, ეს შეუფერებელი საქციელია ქართველისათვის”, – განაცხადა ბურჯანაძემ.
კომენტარები